Knud Rasmussenip Højskolia
Nittartakkamut iserluarit
Knud Rasmussenip Højskolia atoqqaartinneqarpoq 3. juli 1962 Sisimiuni, taaneqartarlunilu; ’Inuunerup Atuarfia’.
Knud Rasmussenip Højskolia inuusuttut inersimasullu højskoleraat ukiuunerani ilinniarfigineqartartoq. Qaammatini sisamani højskolertoqarnerani inuttut ineriartornermut tunngasut pingaarnerutillugit sammineqartarput, pinngitsooranili aamma atuagarsorneq ilaatinneqartarluni.
Højskolimi ilinniarneq soraarummeerfiunngilaq, inuttulli pisinnaasatigut ineriartorneq ilinniartitsinermi pingaartinneqarpoq.
Knud Rasmussenip Højskoliani 1962-imiit 1975-imut forstanderioqqaartup H.C. Petersenip, højskolip ingerlanneqarnera pillugu oktoberimi 1972-imi danskisut allallugu nalunaarusiamini Nunatsinni højskolip anguniagaa ima allaatigaa:
”Højskoli pilersinneqarami siunertaavoq, inuiaqatigiit sukkasuumik ineriartortut inuusuttortaasa ilinniarfigisassagaat. Højskoli innuttaasut højskoleraat, ilinniartitsinermi upperisarsiorneq imaluunniit politikki tunngavigineqaratik.
Højskoli pilersinneqarmat siunertat pingaaruteqartut marluk ukuupput:
- Inuiaqatigiit allanngoriartorneranni kulturikkut naleqartitat navianartorsiortinnagit ataavartuarnissaat sulissutigissallugu.
- Avatangiisit sukkasuumik allanngoriartorneranni inuiaqatigiinni susoqarneranik inuusuttut paasissutissanik tuniorassallugit, taamaalillutik inuiaqatigiinni nutaajusuni kulturikkullu allanngoriartorfiusumi sumiiffissatik ujartorsinnaaniassammatigit, aammalu inuiaqatigiinni aaqqissuussinerit sukkasuumik sunniuteqalersut isiginnaaginnarneqaqqunagit anersaakkut ataqatigiiffeqalersinnissaat sulissutigissallugu.”
Knud Rasmussenip Højskolia ukiuni 45-ni atuunnermini Nunatsinni inuusuttunut sunniuteqarsimaqaaq, inuusuttullu ullutsinni højskolimiittartut inuttut ineriartornerannik sunniuteqartuarnissani sulissutigiuarlugu.
Neriuppugut nittartagaq aqqutigalugu højskoli pillugu naammaginartumik paasissutississinnaassallutit.
Højskolip
pisortaanit saqqummiussat uani atuakkit: Forstanderimit
Læs
højskoleforstanderens forskellige artikler her: Forstander
Højskolimit
Nutaarsiassat
Nyheder
fra Højskolen
Suliffissat:
Atuagaq pisiariuk / Køb en bog
Jacob Nielsen Storch, Adam Nielsen (aaqq.): Knud Rasmussenip Højskolea ukiuni 25-ni. Knud Rasmussenip Højskoleata ukiunik 25-liinermini 3. juli 1987, naqitertitaa. Qupp. 88. Akia: 135, - kr. (nassiunneqarnera ilanngutereerlugu)
Jacob Nielsen Storch, Adam Nielsen (red.): Knud Rasmussenip Højskolea i 25 år. Udgivet af Knud Rasmussenip Højskolea i anledning af dens 25 års jubilæum 3. juli 1987. 88 sider. Pris: 135, - kr. (inkl. forsendelse).
Allaffimmut saaffiginninnikkut inniminnerneqarsinnaavoq. Kan bestilles ved henvendelse til kontoret: knud@greennet.gl
Nittartagaq kingullermik nutarterneqarpoq 02. Januar 2008